Friday, November 25, 2016

অ গৰখীয়া, গৰু নাৰাখ কিয় - এটি গল্পৰ আঁত ধৰি

এইবাৰৰ প্ৰান্তিকত মোৰ ফেচবুকৰ বন্ধু তালিকাত থকা কেইবাজনৰো লেখা ওলাইছে। সুখৰ কথা, ইয়াৰ প্ৰায়সকলেই পোনতে ফেচবুকতে লিখা মেলা কৰিবলৈ আৰম্ভ কৰিছিল। আজিকালি বিভিন্ন কাকত আলোচনীত মোৰ ফেচবুকৰ বন্ধুসকলৰ নাম দেখিলে বৰ আনন্দিত হও!


মাধুৰীমাৰ গল্প এটাও প্ৰকাশ হৈছে বুলি গম পাইছিলো। ব্যস্ততাৰ বাবে তেও কিছুদিন ধৰি লিখামেলা অলপ কমাই দিছে যেন লাগিছিল, গতিকেই আজি পায়েই সেই গল্পটোকে প্ৰথম পঢ়িলো। নাম "অ' গৰখীয়া গৰু নৰখ কিয়?"


আশাকৰো তোমালোক (১৩)

মৰমৰ মইনাহঁত, 

বৰ জৰুৰী দৰকাৰতহে মই এই মাজৰাতি তোমালোকলৈ লিখিব লগীয়া হৈছে। তোমালোকে নিশ্চয় লক্ষ্য কৰিছা যে যোৱা কিছুদিন ধৰি ফেচবুকত নকলি "আশাকৰো..." য়ে বজাৰ চানি ধৰিছে। এইবিলাক কামত আমাৰ শত্ৰুভাৱাপন্ন 'পৰোছী' গ্ৰুপৰ হাত থকাৰ সম্ভাৱনা নুই কৰিব নোৱাৰি। এই নকলি "আশাকৰো.." বিলাকে আমাৰ অৰ্থনীতিত মাধমাৰ সোধাইছে। 

এই ষড়য়ন্ত্ৰ প্ৰতিহত কৰাত তোমালোকেও সহায় কৰিব পাৰা- আজিৰ পৰা তোমালোকে "আশাকৰো..." দেখিলেই একো নোচোৱাকৈ লাইক কমেণ্টেৰে ভৰাই নিদিবা। লাইক কৰাৰ আগতে ISI চিহ্ন আৰু হৃত্ত্বিক ৰৌচনৰ থ্ৰী-ডাইমেনচনেল হলমাৰ্ক লগোৱা ষ্টিকাৰটো চাই লবা। 

আশাকৰো তোমালোক (১২)


মৰমৰ অকণ অকণিহঁত, 

তোমালোকে শুনি ভাল পাবা যে ফেচবুকীয়াসকলে কেৱল ইনবক্সত হাই কি কৃ্ছা মেচেজ দিয়েই নেথাকে, তেওলোকে একে সময়তে বিজ্ঞান, কলা , বাণিজ্য আদি সকলো দিশতে নজিৰ বিহীন সফলতা অৰ্জন কৰিছে। আমাৰ আটাইতকৈ বিখ্যাত ছাত্ৰজনৰ নাম হ'ল হীৰক, তোমালোকে নাম শুনিছাই ছাগে। তেও হাইস্কুল শিক্ষান্ত পৰীক্ষাত গোটেই সৌৰজগতৰ ভিতৰতে প্ৰথম স্থান অধিকাৰ কৰি গাজাৰীৰ নাম ৰৌশন কৰিছিল। সেয়ে আজিও নেপচুন গ্ৰহৰ এলিয়েন বিলাকে গাজাৰীৰ কথা ক'লে - ৰৌশন ডট কম বুলিহে কয়। 

== আশাকৰো তোমালোক (১১) ==


মৰমৰ অকণ অকণিহঁত

ভালে আছা নিশ্চয়। মহেঞ্জাদাৰো ফ্লপ হোৱাৰ পাছত মোৰ আৰু চিনেমা তিনেমা কৰিবলৈ মন নোযোৱা হৈছে। চোৱাচোন মই মানুহটোৱেই নাচনি, গতিকে পিৰিয়ড চিনেমা হ’লেও ককালটো এপাক ঘুৰাবলে মন যায় দিয়াচোন। তাতে ৰাইজে বেয়া পালে। 

গতিকে আজিকালি মই ধৰ্ম- কৰ্মত মন দিছো। গতিকে তোমালোক আজি আত্মাৰ কথা কও। মানুহে আদিৰ পৰাই চিন্তা কৰি আহিছে মৃত্যুৰ পাছত কি হয়? কিবা আছেনে মৃত্যুৰ সিপাৰে? সেই প্ৰশ্নটোৰ উত্তৰত হিন্দু দৰ্শনে আমাক তিনিটা বস্তুৰ সমস্তি বুলি কৈছে- দেহ, মন আৰু আত্মা। মৰিলে দেহটো নাইকীয়া হয়, কিন্তু মন আৰু আত্মা থাকে। মনটো ঝেং মাল.. ইয়াত আশা- পাপ- আদি লাগি থাকে, গতিকে আকৌ বেলেগ দেহত জনম লগা লগা হয়। এসময়ত জনমে জনমে পৰাচিত কৰি কৰি আত্মা মনৰ পৰা মুক্ত হয়, আৰু ভগৱানৰ লগত মিলি যায়। তাকে মোক্ষ লাভ কৰা বোলে। 

Thursday, November 24, 2016

কাম নাইকিয়া কাম

কথাটো বিশেষ ডাঙৰ নহয়, পত্নীয়ে কৈছে- আজি অণ্ডা কাৰী (আলু কণী দম) হে বনাইছো দেই, বৰ এলাহ লাগিছে। 

অসমীয়া পতিঃ- হে ভগৱান, আকৌ কণীৰ তৰকাৰী!!! কালি বনোৱা নাছিলা জানো? 

পাঞ্জাৱী পতিঃ- কি হয়া? এত্থে ৰোজ অণ্ডেঅ' ? ফিৰ.... কঈ নেঈ চোনীঅ' .. আচ্ছাদি ৱাস্তে ১৫ অণ্ডে ডালিয়োঁ...

Monday, November 14, 2016

== সকলোতে অলপ বেছি বেছি ৰাজনীতি হৈছে==

 বন্ধু ভাষ্কৰজ্যোতি বৰুৱাৰ এটা আপডেটৰ আঁত ধৰি, 

এইকেইদিন মোৰ ফেচবুক মুলতঃ দুই ধৰণৰ মানুহৰহে কথা বাৰ্তা, আপডেট আদি চলি থকা যেন লাগিছে, আৰু দুই শ্ৰেণীয়েই বিপৰীত মেৰুত অৱস্থান কৰিছে। 

প্ৰথম বিধৰ মতে আগৰ ৬৫ বছৰৰ চৰকাৰ বোৰে যত যি কৰিলে সকলো বেয়া, এতিয়াৰ চৰকাৰ খনে কৰা সকলো কাম বিৰাট ভাল। আৰু ইয়াৰ একমাত্ৰ কাৰণ প্ৰধানমন্ত্ৰীজন। 

২য় বিধঃ- এতিয়াৰ চৰকাৰ খনে যি কৰি আছে এইসকলো কামে দেশখনক জহন্নামে নিব। তেওলোকে আজিলৈকে লোৱা সকলো পদক্ষেপেই ভুল আৰু এইবোৰেই সাধাৰণ জনতাক ভীষণ সমস্যাত পেলাইছে। 

Tuesday, August 23, 2016

আশাকৰো তোমালোক ১০


মৰমৰ অকণ অকনিহঁত

বহুদিন তোমালোকৰ ওচৰলৈ অহা নাই। চিনেমাও নাইকিয়া হ’ল, তাতে চুজানে কিখন কৰিলে তোমালোকে জানাই। মনৰ দুখত জিম কৰি কৰি নাচি আছিলো, গতিকে আহিব পৰা নাছিলো। 

তোমালোকক বহুদিন আগতে ননমংগলম ভণ্ডস্বামী চিৰকুমাৰণ নামৰ তামিল পণ্ডিত জনৰ কথা কৈছিলো নহয়, অসমলৈ আহিয়েই যে ডাকৰ বচনবোৰ নতুনকৈ লিখিছিল। তেও আচলতে চিৰকুমাৰ ইচ্ছা কৰি হোৱা নাছিল। এক ঐশ্বৰিক শক্তিৰ প্ৰভাৱতহে তেও বিয়া পাতিব পৰা নাছিল, সেই কাহিনীটোকে আজি তোমালোকক কম।

মাছ - মাংস

কালি ভাল মাৰ খোৱাৰ পৰা বাছিলো। জাগিৰোডত চাহ একাপ খাও বুলিছিলোহে, তিনিটামান তেজাল ডেকাই আহি মোৰ চাৰ্টৰ কলাৰত ধৰি সুধিলেহে

- ধ্ৰুব কাশ্যপক চিনি পাৱ নেকি তই। তই তাৰ লগৰ নেকি? ফেচবুকত তাৰ লগত কিবা গ্ৰুপত একেলগে আছনেকি? 

মইতো আৰু এনেই চুলি দাড়ি পকোৱা নাই, তাতে ধ্ৰুকাৰ কথা জানোও- গতিকে ক’লো

ডাৱৰীয়া ডায়েৰী


ডিয়েৰ ডায়েৰী ( এইটো কমন লৈছো দেই, সকলোতে লগাই লব) 

সোমবাৰঃ- আজি দিনটো বৰ বেয়া গ’ল মোৰ, ৰিলায়েন্স ট্ৰেণ্ডজত বজাৰ কৰিব গৈছিলো, ওপৰ মহলালে যোৱা ‘এচকালেটৰ’ খনত দুই ঘণ্টা ৰৈ থাকিব লগা হ’ল। আধা গৈ পাওতেই লাইট গুচি গ’ল আকৌ, কি যে মস্কিল, লাইট নহালৈকে ৰই থাকিলো। 

মংগলবাৰঃ- আজি আকৌ গধুলিতে লাইট গ’ল। কৌৰ বাই ফোন কৰি সুধিছে – বৰ আন্ধাৰ নেকি? মই কেনেকে জানিম আকৌ, মই একো দেখাই পোৱা নাই। 

আশাকৰো তোমালোক ৯



মৰমৰ অকণ অকণিহঁত



তোমালোকে মন কৰিছা নিশ্চয়, আজি কিছুদিনৰ আগৰে পৰা ফেচবুকৰ কেইজনমান সদস্যই  ফেচবুকত #Readers_Challenge নামৰে এটা অপসংস্কৃতি আৰম্ভ কৰিছে। তোমালোকে এইবোৰৰ দ্বাৰা প্ৰভাৱান্বিত নোহোৱাই মংগল। কেতিয়াবা ভুলতে চকু পৰিলেও, আৰু সেই কিতাপবোৰৰ নাম বাপ-জনমত নুশুনিলেও তোমালোকে হতাশ নহবা।  কাৰণ সেইবোৰ কেৱল তোমালোকৰ দৰে নতুন প্ৰজন্মক হীণমান্যতাত ভোগোৱাৰ নিকৃষ্ট কৌশলহে মাত্ৰএই ফেচবুকতে এনে মহৎ পণ্ডিত আছে, তেওলোকৰ অধ্যয়নৰ তুলনাত #Readers_Challenge লিখাসকল  ধুলিকণাৰ জোৰৰো  নহয়।

লোকেল দাদা



জনাই জানে, মই মানুহটো অলপ লোকেল গুণ্ডা টাইপ, মানে সই চুপাৰী তুপাৰী লোৱা হেভী গুণ্ডা নহয়, এনেই আৰু খাটি খোৱা ৰিক্সাৱালা, ঠেলাৱালাৰ ওপৰত অলপ মাচল পাৱাৰ দেখুৱাই দুই এটকাৰ সুবিধা লোৱা ধৰণৰ  লোকেল দাদা। 


আজি গধুলি বজাৰত জলকীয়া কিনি আছো, মোৰ আকৌ কেঁচা জলকীয়া দুটা নহলে ভাত মুঠি পেটলে নোসোমায়এপোৱা জুখিবলৈ ক'লো.... কেঁচাই পকাই মিলি ভালে কেইটা উঠিল। দগাৰ ফালতকৈ জলকীয়াৰ ফালটো অলপ ডাওন নোহোৱালৈকে ৰৈ থাকিলো;



তাৰ পাছত মোৰ দাদাগিৰি আৰম্ভ হৈ গ'ল - 


- "ঐ, আৰু চৌদ্ধটা জলকীয়া দে তাত! নহ'লে বুজিছই নহয়" ( চোলাৰ হাতখন অলপ কোঁচাই দেখুৱালো)

বিষ্ণু ৰাভা- তুমি নাহিবা



ৰিণ্টুৱে  কুৱেইটৰ সাগৰৰ মাজৰ তেলখাদৰ পৰা হোৱাটচএপত এগালমান অদৰকাৰী মেচেজ দি থকাৰ মাজতে ক'লে.....

-"দাদা, ৰাভাদেউ এদিনৰ কাৰণে আহিছিল, কাইলৈ পুৱাতে যাবগৈ।"

কি ভাৱি ক'লে কব নোৱাৰো, কিন্তু মেচেজটো পায়েই মই ফোনটো সামৰিব লগা হ'ল 


********



এনেকৈয়ে আহি থাকিবা তুমি বিষ্ণু ৰাভা,

কেতিয়াবা জ্যোতিকো ক'বা আহিবলৈ,

মহাপুৰুষ দুজনাকো জনাবা কথাটো,

ৰসৰাজ, ভূপেনদাকো লগতে। 


কেৱল এটা কথা,

মাত্ৰ এদিনীয়াকৈ আহিবা,

আমাৰ বৰ নাটনি সময়ৰ।  

Wednesday, June 29, 2016

বিহুৰ বিষয়ে এখন ৰচনা

=প্ৰস্তাৱনা=

বিহু এবিধ বছৰজোৰা উৎসৱ, ভাৰতৰ উত্তৰ পূৱৰ অসম নামৰ ঠাইৰ মানুহবোৰে যেতিয়াই সুবিধা পাই তেতিয়াই এই উৎসৱ পাতে। এই উৎসৱ অসমীয়াৰ প্ৰাণৰ আপোন হোৱাৰ লগতে অন্তহীন আনন্দৰ উৎস। পিছে অসমীয়া কোন সেইটো সথিককৈ নিৰ্ধাৰিত নোহোৱা বাবে, কোনে বিহু পাতিব লাগে, আৰু কোনে নেলাগে সেইটো কথাটো আজিলৈকে নিৰ্ণয় কৰিব পৰা হোৱা নাই। তথাপিও আজিৰ সমাজত বিহুৰ গুৰুত্ব অপৰিসীম

=বিহুৰ প্ৰকাৰ=

বিহু একপ্ৰকাৰেই। বহু যুগৰ আগতে তিনিবিধ বিহু আছিল, খোৱা বিহু, নচা বিহু আৰু কন্দা বিহু, আৰু এইবোৰ বিহু পতাৰো নিৰ্দিষ্ট সময় আছিল। যিহেতু মানৱ জীৱনত কান্দোনে ঋণাত্মক প্ৰভাৱ

পৰিৱৰ্তন

এইবাৰ অসম বিধান সভাৰ নিৰ্বাচনৰ আগে পিছে এটা শব্দ অতিকৈ জনপ্ৰিয় হৈ পৰা দেখা পোৱা গৈছে- শব্দটো হ’ল ‘পৰিবৰ্তন’। সকলো পক্ষই নিজ নিজ সুবিধা মতে এই ‘পৰিবৰ্তন’ৰ ব্যাখ্যা ডাঙি ধৰিছে, তেওলোকেহে এই ‘পৰিবৰ্তন’ আনিব পাৰিব বুলি দাবী কৰিছে, আৰু সেই মতে কোনো কোনোৱে ৰাজনৈতিক সুবিধাও লবলৈ চেষ্টা কৰিছে। সৰ্বসাধাৰণ ৰাইজৰ মাজতো এক পৰিবৰ্তন বিচৰাৰ প্ৰৱণতা দেখা পোৱা গৈছে। ইয়াৰ পৰা কোন কেনেদৰে লাভবান হয়, বা সামগ্ৰিক ভাৱে সমাজখন কিমান আগবাঢ়ে সেই প্ৰশ্নৰ উত্তৰ এতিয়াও সুদূৰ পৰাহত যদিও ইয়াৰ পৰা এটা কথা নিশ্চিত ভাৱে উপলব্ধি কৰিব পাৰি। সেই কথাখিনিকে অলপ বহলাই লিখিব পাৰি।

এইবাৰ ভোটদানৰ হাৰ আগতকৈ বহু বৃদ্ধি পাইছে, যুৱ প্ৰজন্মই এই নিৰ্বাচন বোলা বস্তুটোক আগতকৈ বেছি গুৰুত্ব সহকাৰে লৈছে। ইয়াত নিৰ্বাচন বুলি ‘পাৰ্টি’ৰ কাম কৰি মতলীয়া হৈ থকা লোকসকলৰ কথা কোৱা নাই, তেওলোকক বাদ দি, বাকী চাকৰিয়াল, ব্যৱসায়ী, ছাত্ৰ-ছাত্ৰী আদি নিৰ্বাচনী ৰাজনীতিৰ লগত পোনে পোনে জড়িত নথকা লোকসকল, বিশেষকৈ যুৱক-যুৱতী সকলৰ কথা কোৱা হৈছে। বহু এনে লোকে বিদেশ বা আন দূৰ-দূৰণিৰ পৰা আহিও ভোটদান কৰা বুলি সংবাদ মাধ্যমে প্ৰচাৰ কৰি আছে। এই লিখকে ব্যক্তিগত ভাৱে চিনি পোৱা কমেও দহজন লোকে দেশ-বিদেশৰ পৰা কেৱল ভোটদান কৰিবলৈকে আহিছে। ই এক অভূতপূৰ্ব ঘটনা, আৰু ই গণতান্ত্ৰিক ব্যৱস্থাটোৰ বাবে অতি উৎসাহজনক কথা।

=== মহান আৱিষ্কাৰ নাম্বাৰ ৩ ===

এই এক্সিট প’ল বোলা বস্তুটোৱে মোক সদায় কনফিউজ কৰে, প্ৰথম কথা নামটোৱেই গন্দগোলীয়া, কোনটো এক্সিটতনো এই হিচাপটো কৰে সেইটো মই আজিলৈকে বুজিয়েই পোৱা নাই। কিন্তু সি যি কি নহওক, টিভিত বস্তুটো চাই মজা লাগে, ৰাইজে এনেকৈ কথাবোৰ কয় যেন, কাউণ্টিং কৰাৰ দৰকাৰেই নাই, জিকিব নে হাৰিব সেইটোটো বাদেই, কোনে কিমান ভোট পাব সেইটোৱো তেওলোকে আগতীয়াকৈয়ে জানেই। মোৰদৰে স্থূলবুদ্ধিৰ মানুহে তেওলোকক সৰবজান বুলি ভবাত কোনো দোষ নাই।

এইবাৰো ৰাতি টোপনি খতি কৰি এক্সিট প’ল চাই পৰম আনন্দ লভিলোঁ, বি‍শেষকৈ দুই মেৰুত অৱস্থান কৰা চেনেল দুটাৰ মাজত ইফাল সিফাল কৰি।দুইটাই পুৰাদমে দাবী জনাই আছিল যে তেওলোকৰ ‘এক্সিট পল’ৰ ফলাফল সদায় ‘আখৰে আখৰে’ মিলে, আৰু এইবাৰো মিলিব। ফলাফলৰ পাছত ‘জিকা’ চেনেলটোৱে বাৰে বাৰে সোঁৱাৰাই আছে

== মই মেইগ' মাৰ্কক ইৰ্ষা কৰো == I Envy Meigo Märk ==

যোৱা সোমবাৰে গধূলি, অফিচত অলপ দেৰিলৈকে আছো। হঠাৎ স্থানীয় সাংবাদিক ৰিজুলৰ ফোন এটা আহিল, এৰাতিৰ বাবে নেপক'ৰ অতিথি শালাত কোঠা এটা পাৰিলে যোগাৰ কৰি দিব লাগে- এজন মানুহ মুম্বাইৰ পৰা খোজ কাঢ়ি আহি আছে, ইউৰোপীয়ান মানুহ, তেও ৰাতিটো থাকিব। উমৰংছুৰ নেপক' অতিথিশালা খালি নেথাকেই, সেইদিনা সোভাগ্যক্ৰমে এটা কোঠা পোৱা গ'ল। ৰিজুলহ'তে বিদেশীজনক উমৰংছুলৈ স্বাগতম জনালে।

খোজ কাঢ়ি? অকলে? ইউৰোপীয়ান? কিহে পালে আকৌ? লগে লগে মানুহজনক লগ কৰিবলৈ ইচ্ছা গ'ল যদিও, সেইদিনা ওলাবই নোৱাৰিলো- ৰাতি ১১ বজাতহে লেঠা ছিগিলগৈ। গতিকে পিছদিনা সপৰিয়ালে তেওৰ সাক্ষাৎ কৰাৰ পৰিকল্পনা কৰা হ'ল।



চিনেমা VS চিনেমা

==আমাৰ দিনৰ চিনেমা==

ধনীঘৰৰ ল’ৰা ঘৰত বনকৰা দুখীয়া ছোৱালীজনীৰ প্ৰেমত পৰিল, মাক বাপেকে গালি দিলে, আৰু ফাইনেলী বিয়া হ’লগৈ। মাজতে হেলেনে এপাক নাচিলে যদিও পিছত ভুল বুজি পাই ক্ষমা খুজিলে।

==আজিকালিৰ চিনেমা==

ধনীঘৰৰ ল’ৰাই বনকৰা ছোৱালীজনীক মদৰ নিচাত Abuse কৰিলে, কিন্তু আচলতে হেনো সেইটো ছোৱালীজনীৰহে প্লেন আছিল, আৰু সেই প্লেনটোৰ অংশীদাৰ আছিল ল’ৰাটোৰ নিজৰ মাক, কাৰণ বহুত টকাৰ কথা আছে।ইফালে ল’ৰাটোৰ দেউতাকে নিজৰ চেক্ৰেটেৰীৰ লগত লগ লাগি মাক আৰু ল’ৰাটোক হত্যা কৰাৰ প্লেন কৰি আছে, তেওৰ লগত আকৌ কাজিয়া হৈছে এজন ড্ৰাগছ মাফিয়াৰ লগত, যি সময় পালেই আইটেম নাম্বাৰত ডান্স কৰি থাকে। হঠাৎ এখন গাড়ীয়ে আনখন গাড়ীক খেদি গ’ল, ১০০জন মান মানুহক মহতিয়াই এখন গাড়ী জ্বলি গ’ল। যিখন বাছিল তাত আকৌ এজন কুখ্যাৎ টেৰৰিষ্টে এটা বম লগাই থৈছিলে। টেৰৰিষ্ট জন আকৌ বনকৰা ছোৱালীজনীৰ সতীয়া দেউতাক- তেও ছিংগাপুৰ, পেৰু নাইবা বেলজিয়ামত থাকে। তেওৰ বডীগাৰ্ড কেইজনী ব্লণ্ড ফিৰিঙি ছোৱালী, বাম্পাৰ কেৰাটি মাৰিব জানে। তাৰ পাছত আধাঘন্টা ফাইট হ’ল আৰু ল’ৰাটোৰ দেউতাকৰ গাত গুলী লাগিল। পিছত হিৰ’ আৰু হিৰইনে পাট্টায়াত বিবাহপূৰ্ব হনীমুন কৰিবলৈ যাওতেই ছোৱালীজনীৰ প্ৰাক্তন প্ৰেমিক এজনে টেৰৰিষ্ট জনক মাৰি পেলালে। শেষত জয় মাতা দীৰ মন্দিৰত সকলোৰে মিলন হব যেন লাগিছিল, কিন্তু নহ'ল। সকলোৱে ‘পাব’ত গৈ – হনী চিঙৰ গান গাই গাই সকলোৱে টেটুৰ গুৰিলৈকে মদ খালে।

Saturday, June 25, 2016

== মই মেট্ৰিকত ষ্টেণ্ড নকৰাৰ কাহিনী ==


(মানুহে মেট্ৰিকত ষ্টেণ্ড কৰিলেহে ভাল লাগে, এইচ. এচ. এল. চি. ত ষ্টেট ৰেংক পোৱাত ইমান বেছি পিক – আপ নাই। কেৱল এইবাৰেই নহয়, ইমান বছৰে স্থান লাভ কৰা সকললৈ শুভেচ্ছা আৰু অলপ ইৰ্ষাৰে .... :-)) 

মই মেট্ৰিকত ষ্টেণ্ড কৰিব পাৰো বুলি কথাটো কেনকৈ কিয় আৰু কোনে ভাবি উলিয়ালে মনত নাই, কিন্তু অষ্টম শ্ৰেণী মানতে কথাটো মানুহে কোৱা-কুই কৰিছিল বুলি মনত আছে। পশ্চাদপটৰ কেইটিমান কাৰণ মই এতিয়া ভাবি উলিয়াইছো

- সপ্তম শ্ৰেণীৰ বৃত্তি পৰীক্ষাত মই যোৰহাট জিলাৰ ভিতৰত কিবা এটা স্থান পালো, সেই তালিকাত সেই বেটচৰ যোৰহাটৰ সকলোতকৈ চোকা ল’ৰা বিজয় শংকৰ বৰুৱাৰ নামো আছিল। গতিকে আমাৰ সৰু ঠাইখনৰ মানুহবোৰে মোক সেই পৰ্যায়ৰ মানুহ বুলিয়েই ভাবি ল’লে। 

- আমাৰ স্কুলখনৰ ৰেকৰ্ড বৰ ভাল নাছিল, স্কুলৰ আৰম্ভনিৰে পৰা মাত্ৰ দুজন ছাত্ৰই মেট্ৰিকত স্থান পাইছিল সেইখন স্কুলৰ পৰা।

Saturday, June 18, 2016

=বৰপেটা সত্ৰত নাৰীৰ প্ৰবে‍শ=



আমাৰ সমূহীয়া ভিনিদেউ Brahmananda Patiri এ নিজৰ আপডেটত লিখিছে।

# “1590 চনত অসুৰাৰি ভট্টাচাৰ্য নামৰ এজন ব্ৰাহ্মনে মাধৱ দেৱৰ লগত তৰ্কত পৰাজিত হৈ বিজয়নগৰ বৰ্তমান সৰভোগত শাসনকৰ্তা চিলাৰাই পুত্ৰ ৰঘুদেৱক ক'লে যে " বাউসীত এজন মহাজন আছে । নাম মাধৱ । সোন ৰূপেৰে ঘৰ কৰি যুৱতী স্ত্ৰী নচুৱাই সভাতে সাবটি লয় । ব্ৰাহ্মনক নামানে , ভাগৱত নামানে ..... তোমাৰ দেশত এনে অধৰ্মী অনাচাৰী হ'লে ৰজাৰ চত্ৰভংগ হয় , প্ৰজা ক্ষয় হয় , দুৰ্ভিক্ষ হয় ।

টেলিপ্ৰম্পটাৰ



কথাটো চমুৱাই ক'লে এনেকুৱা হয়গৈ

এখন দেশৰ এজন নেতাই যেতিয়া আন্তৰ্জাতিক মঞ্চত বা বেলেগ এখন দেশত বক্তৃতা দিয়ে, তেতিয়া তেও বৰ সাৱধানে কথা কব লাগে। এটা শব্দৰ ইফাল সিফাল হ'লেও ডাঙৰ প্ৰভাৱ পৰিব পাৰে। গতিকে এই নেতাসকলে আগতে লিখি, জুকিয়াই লোৱা ভাষণ এটাই দিয়াতো একপ্ৰকাৰ নিয়ম। বিল ক্লিণ্টন, বাৰাক ওবামাইয়ো ভাষণ পাঠ কৰি দিয়া বহুবাৰ দেখা যায়। আৰু সকলোতকৈ মজাৰ কথা, এই ভাষণ বিলাক লিখোতে আৰু বহু বিশেষজ্ঞ লোকে সহায় কৰে। কৰিবই লাগিব। তাৰে কিছুলোকে সেইটো মুখস্হ মাৰি দিয়ে, কিন্তু কাৰবাৰটো ৰিস্কি হয়গৈ অলপ। 

সোপাঢিলা সুৰক্ষা

আজি হোৱা গড় হত্যাটোৰ বিষয়ে এটা কথাই মনলে আহিছে। চেলেঞ্জ কৰিছে চোৰাংচিকাৰীয়ে, দেখুৱাব খুজিছে তেওলোকৰ ক্ষমতা কিমান, বুজাব খুজিছে তেওলোক অপ্ৰতিৰোধ্য। তেওলোকে ইয়াৰ উচিৎ প্ৰতিফল পাব বুলি বিশ্বাস নথকা নহয়। কিন্তু আন এটা কথাহে মনলে আহিছে, গড় হত্যা ৰোধ কৰাৰ ব্যৱস্থাটোৰ বিষয়ে।

অপৰাধীসকলে কিছুমান কাম ভয়তে নকৰাকৈ থাকে, যেন ধৰক চোৰে চুৰ কৰিবলৈ ভয় কৰে, কাৰণ তেওলোকে ভাবে পুলিচে ধৰিব, আৰু শাস্তি দিব।কিন্তু যদি কেনেবাকৈ চোৰবিলাকে সমগ্ৰ পুলিচী ব্যৱস্থাটোৰ তলানলা গম পাই যায়, তেওলোকৰ এই ভয় ভাগিব, আৰু অপৰাধ বাঢ়ি যাব।

= মধ্যমপন্থা =


আজি অগ্নিভ দত্তৰ এটা আপডেটত দেবকান্ত সন্দিকৈৰ কথা পঢ়ি কিছুমান কথা মনত পৰি গ'ল। আমি উচ্চতৰ মাধ্যমিকত পঢ়ি থকা সময়ত তেখেতে প্ৰথমতে ৺ পৰাগ দাসৰ 'বুধবাৰ' কাকতত নিয়মীয়াকৈ লিখা আৰম্ভ কৰিছিল, আমি আছিলো তেওৰ অনুৰাগী পাঠক। গৌতম বৰদলৈ,  মহৎ সোণোৱাল আৰু মই মিলি তেওৰ লিখনি বিষয়ে পথোৱা চিঠি এখনো বুধবাৰতে প্ৰকাশ পাইছিল। 


মই নিজকে 'যুক্তিবাদী' মানুহ বুলি ভাৱো, ঈশ্বৰ সম্পৰ্কে এটা নিজস্ব ধাৰণা তৈয়াৰ কৰিছো আৰু মই সেইটোকে মানি চলো, ভুত প্ৰেত, জৰা ফুকা বা কোনো অলৌকিক ক্ৰিয়া কলাপ মই লেশমানো বিশ্বাস নকৰো, ৰু কোনোবাই কিবা কব খুজিলেও 'চেলেঞ্জ' কৰি দিও। আৰু এই যদি ভাল কথা, তেনে তাৰ সিংহভাগ কৃতিত্ত্ব সন্দিকৈদেৱৰ লগতে ড° ভৱেন্দ্ৰ নাথ শইকীয়া চাৰৰ প্ৰাপ্য। তেওৰ যুক্তিপুৰ্ণ লেখনিয়ে আমাৰ মনত সুদূৰপ্ৰসাৰী প্ৰভাব পেলাইছিল, যদিও তেওৰ সকলো কথা আখৰে আখৰে মানি লবলৈ আজিও অসুবিধা পাইছিলো। আজিও পাও। 

Monday, April 25, 2016

জীৱন নিত্য (প্ৰান্তিক প্ৰকাশিত)







৯।৬।২০১৪। ৯-৪৬। আজি সোমবাৰ বুলি সোনকালে উঠিলো, অফিচো আছে নহয়। উঠাৰ পৰাই মূৰটো টিঙটিঙাই আছিল। কালি আচলতে অলপ বেছিয়েই হল। বাৰমান বজাত অফিচলে নেযাও বুলিয়েই ঠিক কৰিলোঁ, বছক ফোন কৰি জনাম বুলি ভাৱিছিলো, পিছে তেখেতে আজি তিনিমাহ মানৰ পৰা নিজেই অফিচলে অহা নাই, গতিকে বাদ দিলো। টিভিত “ৰাউডী পুলিচ অফিচাৰ” নামৰ চিনেমা খন চালো। ২ বজাত ভাত খাই উঠি আকৌ ৫ টালৈকে শুলোঁ। সাত মান বজাত ৰামী খেলিবলৈ ওলাই গ’লোঁ, তাতে আকৌ পাৰ্টি হ’ল। ১১ বজাত ভাত খাই অলপ টিভি চাই শুই গলোঁ। আমি শোৱাৰ তিনি ঘণ্টামানৰ পাছতহে আমাৰ সুপুত্ৰ ঘৰলৈ উভটিল। ৰাতি বাচন বৰ্তন পেলোৱাৰ ঠুং ঠাংৰ লগতে ফুল ভলিউমৰ  টিভিৰ শব্দত ভালকৈ টোপনি নাহিল।

১০।৬।২০১৪। ১১-২৫। চেহ আজিও দেৰি হৈ গ’ল। বাহিৰত বৰষুণ, লগে লগে মনটো ভাল লাগি গ’ল, বৰষুণ মানেই ৰাষ্টাত বানপানী, আৰু অফিচো আন-অফিচিয়েলী বন্ধ। ৰমেন শইকীয়ালে ফোন কৰিলোঁ, দিনটো কটোৱাৰ কিবা ব্যৱস্থা এটা কৰিবলে। শইকীয়াই জনালে, অমল মহন্তৰ শ্ৰীমতী ঘৰলে গৈছে, মানে অকলে আছে। প্ৰগ্ৰাম ফাইনেল হ’ল,  ২ বজাত তিনি কেজি মূৰ্গীৰ মাংস কিনি মহন্তৰ ঘৰলৈ গ’লো। মহন্ত, শইকীয়াৰ লগতে দাসবাবু আৰু মোহিনীকান্তও আহিল। মোহিনী আহিলে আমাৰ বৰ সুবিধা, এগিলাছ মান খাবলে পাম বুলিয়েই সি ৰন্ধা, বাচন ধোৱা আদি সকলো কাম কৰি দিয়ে। বহি থাকোতে গুৱাহাটিৰ বানপানী আৰু চৰকাৰৰ অকৰ্মণ্যতাৰ ওপৰত গম্ভীৰ আলোচনা হ’ল।

|| || Flowering of Bamboo or "Bamboo Blossom" || ||





Bamboo normally reproduces itself from the 'Shoot' at its roots, It doesn't need flowering or seeding for survival. However, in irregular intervals, all bamboo species Flower and produce rice like grains, the reason of this is still unknown. But whatever the evolutionary purpose of it, it is considered to be an omen in most parts of India and China where this flowering occurs. These are few interesting facts about bamboo flowering

॥॥ বৃটিছৰ দূৰৱস্থাৰ হেতু॥॥

২৮২৬ চনৰ ২৪ ফেব্ৰুৱাৰী, আমাৰ ইংলেণ্ডৰ বৃটিছ সকলৰ ইতিহাসৰ এক ক’লা দিন! সেইদিনাই আমি নিজৰ সাৰ্বভৌমত্ত্ব হেৰুৱাই অসমীয়া নামৰ এটা বণীয়া জাতিৰ তলতীয়া হব লগা হ’ল। এক সুচতুৰ সন্ধিৰ যোগেৰে, যিখন সন্ধিৰ আমি অংশীদাৰো নাছিলো, আমি নিজৰ ইচ্ছাৰ বিৰূদ্ধে গৈয়ো, অসমীয়া নামৰ এই বিদেশী, ধনলোভী জাতিটোৰ ইচ্ছাৰ দাস হৈ গ’লো। ইয়াৰ বাবে মূলতঃ আমাৰ শাসক সকলৰ ক্ষমতাৰ লোভ আৰু ৰাইজৰ প্ৰতি অৱজ্ঞাই দায়ী, আমি সৰ্বসাধাৰণ বৃটিছ সকলে আমাৰ হাজাৰ বছৰীয়া গৌৰৱোজ্জল ইতিহাসক ৰক্ষা কৰিবলৈ সকলো ত্যাগ কৰিছিলো। কিন্তু নিয়তি আৰু আমাৰ শাসকসকলৰ নিৰ্বুদ্ধিতাই আমাক দাস হৈ থাকিবলৈ বাধ্য কৰিলে।

==ভুল - ভুলইয়া== (নৱেম্বৰ ২০১৭ সংখ্যা 'ফটাঢোল'ত প্ৰকাশিত)


মুল অসমীয়া লিখনিঃ-- ৱিলিয়াম ডেৱিড্ ডেটচ্

বজৰুৱা, নষ্টযোৱা অসমীয়া ভাষালৈ অনুবাদঃ- নিম্ন-স্বাক্ষৰকাৰী

জ্ঞান-বুদ্ধিবিহীন অসমবাসী ৰাইজ! আপোনালোকে জানেই যে, মোৰ দৰে বুদ্ধিমান, সৰ্বগুণাকৰ, সৰ্বজ্ঞানী, ত্ৰিকালজ্ঞ, আৰু সচেতন লোক এই অসমতে নেলাগে, এই ভূ-ভাৰস্ততে নাই। আপোনালোকে আৰু জনা উচিৎ যে, অসম তথা সমগ্ৰ মানৱজাতিৰ বাবে, কি ভাল, কি বেয়া, কোন শুদ্ধ, কোন অশুদ্ধ, এইবিলাক নিৰ্ণয় কৰাৰ সমগ্ৰ দ্বায়িত্ব মই Usurp ( ইউজাৰ্‌প্; আজিকালি "জহনীত যোৱা, মাউৰত মৰা" সংবাদ মাধ্যমে লিখাৰ দৰে আচাৰ্প নহয়) কৰিছো আৰু সেইমতে সকলোকে দিক্(ডিক নহয়, সেইটোৱে বেলেগ অৰ্থ বুজাব) নিৰ্দেশনা দি আহিছো। আৰু মই গৌৰৱ কৰি কব পাৰো যে, মই চৰিয়াই, গুৰিয়াই, লঠিয়াই, হালোৱা এচাৰিৰে কোবাই থকাৰ কাৰণেই অসম দেশৰ জধামুৰুখ জনতা সঠিক দিশত আগবাঢ়ি গৈ আছে। তাৰ প্ৰমাণ স্বৰূপে মই ১৯৮৯ চনৰ মাৰ্চ মাহৰ ২১ তাৰিখে এখন কাকতত স্বেকোশ্লাভাকিয়া বানান টো অসমীয়াত শুদ্ধকৈ কেনেকে লিখিব লাগে সেইবিষয়ে লিখা এখন তিনি পতীয়া ৰচনাৰ উদাহৰণ দিব পাৰোঁ, সেইদিনাৰ পৰাই সমগ্ৰ অসমবাসীৰ বোধোদয় হয় আৰু বানানটো মই নিৰ্দেশ কৰা মতে লিখিবলৈ আৰম্ভ কৰে। এনেদৰেই মই বহুবাৰ অসম আৰু অসমীয়া ভাষা সংস্কৃতিক অস্তিত্ব বিলোপনৰ কৰাল গ্ৰাসৰ পৰা মুক্ত কৰাৰ উদাহৰণ আছে।যদিও মোৰ শত্ৰু সকলে এই কথা স্বীকাৰ নকৰে, মই সময় সুবিধা পালেই মোৰ অৱদান সমূহৰ কথা উনুকিয়াই থকাৰ প্ৰয়োজন বোধ কৰোঁ। নহ'লে অসম দেশৰ 'খাই পাত ফলা' 'ভুলক্কৰ' জনসাধাৰণে মোৰ কথা মিনিটতে পাহৰি পেলাব বুলি মই নিশ্চিত।

Thursday, February 18, 2016

অলপ অফবীট চিন্তা

কালি ছোৱালীজনীক শিক্ষা দি আছো- 

মাঘ বিহুৰ দিনা ৰাতিপূৱা ইমান কষ্টেৰে সঁজা ভেলাঘৰটো জ্বলাই দিয়ে কিয়? বহাগত হুঁচৰি উৰুৱা দিনা ঢোলৰ কোবনি চালখন ফুটাই দিয়ে কিয়? 

ফকৰা-যোজনা ৰিমিক্সড

আমাৰ ফকৰা-যোজনা আৰু প্ৰবচনবোৰ আজিকালি আউটডেটেড হৈ যোৱা দেখি অলপ আপ টু ডেট কৰি দিলোঁ.. ৰাইজৰ কামত আহিলে শ্ৰম সাৰ্থক হব। 

১।মা-মছলা বেছিকে ঢালিবা, ভিনেগাৰেৰে মেৰিনেট কৰিবা,
তাপ কমাবা, সময় বঢ়াবা, চিকেন তন্দুৰীৰ সোৱাদ তেৱেসে পাবা।


২। প্ৰেচাৰ বুলি নেখায় লোণ, চাকনাত যায় তিনিগুণ

৩। মোবাইল চাবা গধুলি, লেপটপ চাবা পূৱা,
ফেচবুকতে ছোৱালী চাবা, কোন কেনেকুৱা


== দুঃসহ ==


(হৰৰ গল্প, পেৰেনচিয়েল ডিচক্ৰিচন এডভাইজড) 



সদায়ৰ দৰেই,.... তাই মোৰ বিছনাখনৰ ভৰিৰ ফালে চকী এখনত বহি একেথৰে মোলে চাই আছে, সেই একেই তীব্ৰ ঘৃণা ভৰা ভয়ংকৰ চাৱনিটোৰে। তাইৰ গাৰ আঘাতৰ দাগবোৰ শুকুৱাতো নায়েই বৰঞ্চ গেলিবলেহে আৰম্ভ কৰিছে, ভাঁহি আহিছে অকটা দূৰ্গন্ধ...চকুৰ পৰা বৈ অহা তেজবোৰ শুকাই কৰাল মাৰিছে, আউল বাউল চুলিবোৰে মূখখনৰ আধা ঢাকিয়েই পেলাইছে। সেই ধূলি ময় ,ফটা, বগা চুৰিদাৰজোৰেই তেতিয়াৰ পৰাই পিন্ধি আছে তাই। যোৱা প্ৰাহ দুমাহ ধৰি তাইক মই আন একো কৰা দেখা নাই, কেৱল মোক চাই থকাৰ বাদে। মই যলৈকে গৈছো, যিহকে কৰিছো, তাই সকলোতে মোৰ পিছফালে থিয় হৈ আছে, আৰু মোলে সেই ঘোলা চকুকেইটাৰে চাই আছে। চকুৰ দৃষ্টি নহয় যেন ঘৃণাৰ দাবানল, শব্দৰে বুজাব নোৱাৰা এক অসহ্যকৰ চাৱনি। দিন ৰাতি সকলো সময়তে, কেৱল চাই আছে, চায়েই আছে ...এটা কথাও কোৱা নাই, চকুৰ পলক এটাও পেলোৱা নাই। 

==== পুণৰ্মুচিকো ভৱঃ =====





আকাশবাণীৰ (এফ এম) বিজ্ঞাপন ...
মহিলাঃ- কামিনী, তই বৰ ভালকৈ কাপোৰ বব জান নহয়, মোৰ ভাগিনীজনীৰ বিয়া, কেইজোৰ মান ভাল কাপোৰ বৈ দিবি দেই। 

কামিনীঃ- বাইদেউ, আপোনাৰ ঘৰত তাঁতশাল আছে নহয়? মই আপোনাৰ ঘৰতে গৈ কাপোৰ বৈ দিম ।

মহিলাঃ- কি, তোৰ নিজৰ তাঁতশাল নাই নেকি? 

শ্বায়েৰী

ভেলেণ্টাইন ডে' কে পাৱন অৱচৰ পৰ, চভী প্ৰেমীয়োঁ, খেপাৰু ( য' অভি তক কোছিচ মে লগে হেঁ), ডুবাৰু (য প্যাৰ কৰকে ডুব গয়ে হেঁ), নহৰু (যিচকে মুঁহ কে গন্ধ চে কঈ পাচ নেহি আতা) কো, তহ-এ-দিল চে ইস্তখবাল কৰতে হুৱে, ঔৰ হালাত-এ-মকাম কি জৰুৰতোঁ কো মদ্দ-এ-নজৰ ৰখতে হুৱে, ............. য়ে নাচীঝ দোঁ পক্তিয়াঁ... পেইছ -এ-খিদমত... কৰনা চাহতে হেঁ। উম্মিদ-এ-দিল, পুকাৰ পুকাৰ কে কেহ ৰাহা হেঁ, মেৰে হুজুৰ-এ-আলা, মেৰে জান-ও-জিগৰ কে মালিক, মেৰে দিল-নচী, মেৰে প্যাৰে দোস্তোঁ কো য়েঁ পচণ্ড আয়েগা। আপকী মেহফিল-এ-তামাম মেঁ, মেৰে দৰ্দ -এ-মোহব্বত কে দো-চাৰ নগমেঁ এইচে হেঁ-

॥॥॥ বিজ্ঞাপন॥॥॥॥Advertisement ॥॥॥॥॥


"অসমী আইৰ সুযোগ্য সন্তান যোৰহাটৰ শ্ৰী অভিজিত কলিতাই সুখ্যাতিৰে আভিযান্ত্ৰিক পাঠ্যক্ৰম সমাপ্ত কৰি নেপক'ত কাৰ্যৰত হয় আৰু অপৰিসীম শ্ৰম তথা ত্যাগেৰে বিদ্যুৎ উৎপাদন কৰি অসমীৰ গাঁও চহৰ উজলাই তোলে। তেখেত হ'ল অসমীয়া সংস্কৃতিৰ নীৰৱ সাধক আৰু চিৰ চেনেহী ভাষা জননীৰ পূজাৰী..... অসমৰ সামাজিক সমস্যাসমূহ দূৰ কৰিবলৈ তেখেতে আজীৱন নিৰৱিচ্ছিন্ন ভাৱে প্ৰচেষ্টা চলাই আহিছে....." 

Freedom

My definition of Freedom (including freedom of speech). among other things, DOESN'T include the following, 

- You can morph videos/audios to establish that someone is A CRIMINAL

- You can keep on saying whatever you want, publicly, even if it creates SOCIAL NUISANCE

- You can publicly deface anyone you wish, irrespective of whether he/she is genuinely at fault or not. 

Wednesday, January 6, 2016

হোটেল কেলিফৰ্নিয়া

হেমন্তদাৰ ৱালত ফটোখন দেখিলো, তলত ৰাইজৰ ইণ্টাৰেষ্টিং কমেণ্টবোৰো পালো। সকলো মিলাই নিজৰ পৰাও অলপ যোগ দি  আগবঢ়ালো.. 

(শেনৰ এজাত) 



অন এ আপাৰ আচাম হাইৱে, চুলিত চেঁচা বতাহ,
স্মে’ল অৱ মাড এণ্ড কাউডাং, ভৰ্তি মোৰ উশাহ;
আপ এহে’ড ইন এ ডিচটেন্স, দেখিলো এখন ধাবা,
মাই হাংগাৰ গ্ৰু হেভী, এণ্ড ... “দোস্তি কিবা খাবা?”
আই হেড টু ষ্টপ ফৰ এ হোৱাইল।

নৰকত দুৰ্দিন

 যোৱা কিছুদিন ধৰি নৰকত আগতে নোহোৱা সমস্যা কিছুমানে মুৰ তুলি উঠিছে। যমৰজা অতি চিন্তিত: । সেয়ে আজি তেখেতৰ অফিাচত গুৰুত্বপূৰ্ণ এক ৰূদ্ধদ্বাৰ বৈঠক । সমস্য গুৰুতৰ দেখি,  আজিকালি কৰ্পৰেট জগতৰ নিয়ম অনুসৰি দুজন অভিজ্ঞ কনচালটেন্টও উপস্থিত আছে;  বৃদ্ধ গগৈ আৰু অসুৰেশ খালমাটি । দুয়ুজন এনে বহু সমস্যা তিলিকিতে সমাধান কৰাৰ অভিজ্ঞতাৰে পুষ্ট। গতিকে আজি বৈঠকত কেৱল দুই কনচালটেন্ট, এচিচটেন্ত হিমগুপ্ত ( চিত্ৰগুপ্তৰ পু্ত্ৰ) , আৰু নৰক সামৰিক বাহিনীৰ সৰ্বাধিনায়ক জেনেৰেল কন্ধ । আনকি পিয়ন চাপ্ৰাচীৰ প্ৰৱেশো নিষিদ্ধ কৰা হৈছে। গুৰুগম্ভীৰ পৰিৱে‍শ, যমৰাজৰ চিন্তাক্লিষ্ট মুখ। কেৱল বৃদ্ধ গগৈয়ে  দুই এটা পাতলীয়া কথা কৈ পৰিবেশটো সহজ কৰাৰ চেষ্টা কৰি আছে। তেঁওৰ গাজা বিলাকত কোনেও হঁহা নাই, আচলতে হঁহাৰ পৰিবেশো নাই, কিন্তু গগৈয়ে চেষ্টা এৰি দিয়া নাই ।

কট্টপ্পাই বাহুবলীক কিয় মাৰিলে???Why did Kattappa kill Baahubali?कट्टप्पा ने बाहुबली को क्यों मारा?


 
কেইবাসপ্তাহো দেশখনক জৰ্জৰিত কৰি ৰখা প্ৰশ্নটোৰ উত্তৰৰ অন্বেষণ..

১। খুজলিৱাল:- বাহুবলীক হত্যা কৰিবলৈ কট্টপাক বিজেপিয়ে উচটনি দিছিল, মোৰ হাতত প্ৰমাণ আছে। তাৰোপৰি শান্তি শৃংখলা ৰক্ষাৰ দ্বায়িত্ব আমাৰ নহয়, কেন্দ্ৰৰহে। মোক শান্তিৰে কাম কৰিবলৈ নিদিয়াৰ উদ্দেশ্যেই মোৰ শত্ৰুসকলে এইবিলাক কথা অৱতাৰণা কৰিছে।

২। স্বৰ্গদেউঃ- হে হে, কি কথা কোৱা হে, সবেই দেখিয়েই আছে। বাহুবলীৰ শাসনত থকা কেন্দ্ৰই কট্টপ্পাক কিটো দিলে?দিলেনে কিবা? খালি ফাণ্ড নাই, অমুক নাই, ভুচুক নাই। খং উঠিবই, হয়নে নহয়? সেই কাৰণেই মাৰিলে আৰু....ৰাইজে দেখিয়েই আছে চব...হয়নে নহয়?

::::: পাত্ৰী লাগে ::::


উচ্চশিক্ষিত, সদবংশজাত, ৬ ফিগাৰ দৰমহা পোৱা, বিশেষ ঘৰুৱা সমস্য নথকা, আৰু পাকঘৰৰ কামত বিশেষজ্ঞ এজন সুদৰ্শন ডেকাৰ বাবে এগৰাকী এলাইবাদু পাত্ৰীৰ আৱশ্যক। জাত, পাত, ধৰ্ম, বয়স আদি ন’ বাৰ, কেৱল পাত্ৰী ‘ধনীৰো ধনী আও ধনী’ ঘৰৰ হব লাগিব, তেনেলোকৰ একমাত্ৰ সন্তান হ’লে অগ্ৰাধিকাৰ দিয়া হব। পাত্ৰী কোনো বিখ্যাত/কুখ্যাত কলেজত পঢ়া হব লাগিব, অসমৰ বাহিৰত পঢ়াৰ অভিজ্ঞতা থাকিলে ভাল; অৱশ্যে কেইবাৰত, কি পাছ কৰিছে সেইটো আবেদনত উল্লেখ নকৰিব, আৰু সঁচা কথাটো কাকো কবও নেলাগিব। 

বেলা বোস -অঞ্জন দত্ত

চাকৰিতা আমি পেয়ে গেচ্ছি বেলা শুনছ'?
অঞ্জন দত্তৰ সেই বিখ্যাত গানটোৰ কথাখিনি অমীয়াকৰণৰ প্ৰচেষ্টা ......

চাকৰিটো মই পাই গ'লো বেলা শুনিছা?
এতিয়া কোনেও নোৱাৰে বাধা দিব,
ল'ৰাঘৰক তুমি এতিয়া উভোটাই পথাব পাৰা,
মাক কৈ দিয়া, বিয়া তুমি নকৰোৱা।


সঁচাকে মই চাকৰিটো পাই গ'লো বেলা,
আৰু মাত্ৰ কেইমাহ মান,
ষ্টাৰ্টিঙতে ১১০০ দিব, তিনিমাহ পাছত কনফাৰ্ম,
নিশ্চুপ কিয়, তুমি একোকেই কোৱা নাই?

এইটো হয়নে টু ফ'ৰ ফ'ৰ ৱান ৱান থ্ৰী নাইন,
বেলা শুনিছা নে তুমি?


ভীক্ষু

কৌতুক লিখিবলে একেবাৰে মন নাই, মই আজিকালি চিৰিয়াচ মানুহ আৰু বুঢ়াও হৈছো। অলপ ধৰ্ম কৰ্মত মন দিছো,গতিকে মোৰ জীৱনৰ সত্য ঘটনা এটাকে কও...মোৰ দৰে গুৰু গোঁসাই নমনা মানুহ এটা কিয় ধাৰ্মিক হব লগা হ'লগৈ
******

বহু দিনৰ আগৰ কথা, মই হাবি এখনৰ মাজেৰে অকলে গাড়ী চলাই গৈ আছিলো, হঠাতে গাড়ীখন বেয়া হৈ গ’ল, সন্ধিয়াও হৈ আহিল, অলপ ভয় ভয় লাগিল। তেনতে অলপ দূৰত ধুনীয়া ঘৰ এটা দেখা পালো, গৈ দুৱাৰত টুকুৰীয়ালো, বৌদ্ধ ভিক্ষুনী এগৰাকী ওলাই আহিল, সেইতো হেনো এটা বৌদ্ধ মন্দিৰ হে। এন্ধাৰত মই ভালকে ধৰিবই নোৱাৰিলোঁ। ভিক্ষুনীগৰাকী অকলে থাকে, অতীৱ সুন্দৰী আৰু কম বয়সীয়া। ভিক্ষুনী গৰাকীয়ে মোক আদৰ সাদৰ কৰি ভিতৰলে মাতি নিলে, মুখ হাত ধুবলৈ সুশীতল পানী দিলে, সুস্বাদু খাদ্য খাবলৈ দিলে আৰু ৰাতিটো তাতে কটাবলৈ অনুৰোধ কৰিলে। আটাইতকৈ আচৰিত কথা হ’ল তেও মোৰ গাড়ীখন পৰীক্ষা কৰিলে আৰু পলকতে বেমাৰটো ধৰা পেলাই ভাল কৰিও দিলে। ৰাতি ধকধকীয়াবগা বিচনা এখনত নিশ্চিন্ত মনে শুই পৰিলো। 


ফটহু স্পেচিয়েল -২

তেতিয়া ফটহু  ইণ্ডিয়ান আৰ্মিৰ কেপ্টেইন, পাকিস্তানৰ লগত তমোময় যু্দ্ধ চলি আছে। ছেংমাৰ ৰেকৰ্ড ভাল, আজিলেকে কোনো বেটল হৰা নাই। পিছে লগত থকা চচা, আংক, পাংক, ৰুণ্টু, তালিক আদি সৈন্যবোৰহে অলপ কাণীয়া টাইপৰ। কেতিয়াও যুদ্ধ দেখি পোৱা নাই, নিজ হাতেৰে পানী এগিলাছো লৈ খাই পোৱা নাই, যুদ্ধক্ষেত্ৰত এনিটাইম মাকলৈ, প্ৰেয়সীলৈ মনত পেলাই কন্দা কটা কৰি থাকে। পিছে ছেংমাৰ আপত্তি নাই, তেও হেনো ইহঁতক লৈয়েই যুদ্ধ জিকি দেখুৱাব।

!!!চেইন ষ্টৰী গ’ন বেড!!!


প্ৰতিভূদাৰ ‘ভূ-ভাৰস্ত’ৰ তামাম সফলতা দেখি মোৰো এখন কিতাপ লিখিবলে মন গ’ল! পিছে ভাবিলোঁ কামটো অকলে কৰিব পৰা বিধৰ নহয় । গতিকে বহুত ভাবি চিন্তি চিৰিমতীকে খটনি ধৰিলোঁ, বোলো তুমিও অলপ সহায় কৰা!

লৰাই থকা পটলৰ ভাজিখনৰ পৰা মূৰ তুলি তেও বোলে,

-"মোৰ কাম নাই নেকি আৰু? আৰু তুমি আৰু মই মিলি লিখিম কেনেকে, আজিলেকে এটা কথাত একমত হোৱাৰ উদাহৰণ আছে নেকি?"

-এস, বুজা নাই তুমি! একমত হোৱাৰ দৰকাৰ নাই নহয়! নহ'লে ভালহে, কণ্ট্ৰাডিকচন আহিব। মই এটা পেৰেগ্ৰাফ লিখিম আৰু তোমাক দিম, তুমি ভালদৰে পঢ়িবা। তাৰ পাছত তুমি এটা পেৰেগ্ৰাফ লিখিবা।মই তোমাক একো হকাবাধাও নকৰো, উপদেশো নিদিও, তুমি নিজৰ মতে লিখিবা। তাৰ পাছত মই আকৌ লিখিম অলপ!! তুমি কিন্তু তেতিয়া পিছ ফালৰ পৰা চাই থাকিব বা তোমাৰ এক্সপাৰ্ট কমেণ্ট দিব নোৱাৰিবা। এনেদৰেই চলি থাকিব। ২৫০ পৃষ্ঠামান হ’লেই কাম খতম। কোনোবা সম্পাদক এজন খাটনি ধৰি একেবাৰে উপন্যাস এখন বনাই পেলাম নহয়। আৰে ফেমাচ হৈ যাবা বুজিছা! আজিলেকে কোনো পতি-পত্নী মিলি এনেকৈ উপন্যাস লিখা নাই অসমীয়াত। পি‍ছে এটা কাম কৰিবা, মই ওপৰত লিখা কথাখিনি পঢ়ি লবা, নহ’লে পাঠকক পিছত প্ৰসংগ সংগতি দেখুৱাই ব্যাখ্যা কৰি থাকিব লাগিব। 

নামঘৰীয়া

তপুখুৰাৰ বহাত সেইদিনা আবেলি চহৰৰ পৰা অচিনাকী ল'ৰা এজন আহি ওলালহি, ডেকা ল'ৰা, দেখিবলৈ অলপ চচাৰ লগত মিল আছে। আহিয়েই তপুৰ ভৰিত পৰি ক'লে

- "খুৰা আজি মোক আপুনি সহায় কৰিব লাগিব। বৰ আশা কৰি আহিছো।"

- "কি সহায় লাগে হে তোমাক?"

সুখ-সান্নিধ্য আদি - প্ৰথম অধ্যায়


ক’ৰাত(www.quora.com) এটা প্ৰশ্ন সোধা হৈছিল – How can we define a Happy person, - এজন সুখী মানুহৰ সংজ্ঞা কি?

মনোবিজ্ঞান ছাত্ৰী জয়শ্ৰী শৰ্মাই প্ৰশ্নটোৰ এনেকৈ দিছে

“ একঃ- মোৰ প্ৰতিবেশী মহিলা এগৰাকী, তেও এক কোটিমান টকীয়া 3BHK ফ্লেট এটাত থাকে, ঘৰত কাম কৰা মানুহ আছে, সপ্তাহত এদিন হলেও ভাল ৰেষ্টোৰাঁত খায়েই, এখন SUV চলাই ফুৰে, আৰু কেতিয়াও একেজোৰ সাজকে দুবাৰ নিপিন্ধে। তথাপিও 

পতি-পত্নী

পিকলু বৌ ( ফ'ৰ দা ৰুকিজ, চি ইজ মিছেচ ভূ-দা) য়ে ব্ৰেকফাষ্ট বনাই(ৰান্ধি??) আছিল, ব্ৰেকফাষ্ট মানে পাওৰুটি গৰম কৰি অলপ বাটাৰ সানিব, আকৌ গৰম কৰি বাটাৰখিনি গলাব, আৰু লগত কণীৰ অমলেট। 

হঠাতে ভূদা দৌৰাদৌৰিকৈ পাকঘৰত সোমালহি। আহিয়েই চিঞৰ বাখৰ আৰম্ভ...
-" হেই ....হেই,...... কি কৰিছা? কৰিছা কি তুমি? তুমি একদম কেয়াৰফুল নহয়, গেছটো ইমান বেছিকে কেলে দিছা, চব ব্ৰেড জ্বলি যাব এতিয়া,..... হে ভগৱান!

== অহেতুক (মাইক্ৰ হৰৰ গল্প, পেৰেনচিয়েল ডিচক্ৰিচন এডভাইজড) ==


ভূতৰ কাহিনীটোৱে গোটেই অঞ্চলটোকে এইকেইদিন ত্ৰাসত ৰাখিছে। এজনী ছোৱালী, ৰাতি দহ মান বজাৰ পাছৰে পৰা হেনো চহৰখনৰ আওহতীয়া ঠাই বোৰত লগ পোৱা যায়। দেখাত একো ধৰিব নোৱাৰি, কিন্তু তাইৰ ভৰিৰ পতা কেইখন হেনো ওলোটা। আৰু তাই হেনো অলপ পাছতে নিজৰ মূৰতো ১৮০ ডিগ্ৰী ঘুৰাই পিঠিৰ ফালে কৰি দিয়ে আৰু খোজ কাঢ়ি আঁতৰি যায়, যিয়েই সেই দৃশ্য দেখা পাই, তেওৰ হেনো লগে লগে মৃত্যু হয়। আচৰিত ভাৱে চহৰখনত এই কেইদিনত কিছু অদ্ভূত মৃ্ত্যুৰ ঘটনা ঘটিছেও। কেইবাটাও মৃতদেহ পোৱা গৈছে, বিভিন্ন আওহতীয়া ঠাইত, সকলো হৃৎপিণ্ডৰ ক্ৰিয়া বন্ধ হৈ হোৱা মৃত্যু। কোনো প্ৰত্যক্ষদৰ্শী নাই, ...থাকিব ক’ৰ পৰা? মানুহবোৰৰ মতে সেই ডাইনীজনীক দেখা পোৱা লগে লগে, দেখা জন মৰিয়েই থাকে, গতিকে দেখা সাক্ষী কোনে দিব? মুঠতে এইকেইদিন চহৰ খনত কেৱল ভূতৰে চৰ্চা, মানুহবোৰে সন্ধিয়া হোৱাৰ পাছত ঘৰৰ পৰা ওলোৱাই কমাই দিছে। 

== মহৎ লোকৰ বৃহৎ বাণী ==


১। তিনি গৰাকী শাহুৰ লগত সংসাৰ কৰাতকৈ বনবাসেই শ্ৰেয় – সীতামাতা

২। মোৰ প্লাষ্টিকৰ ফুল গছ কেইডাল মৰি থাকিল, কাৰণ মই তাত পানী দিয়াৰ ভাও দিবলে পাহৰি গলোঁ – জুতিবাই পেটাল 

৩। মৰাৰ পাছত স্বৰ্গলে গ’লে অকলে অকলে বৰ হৈ যাব লাগিব, কাৰণ মোৰ দোস্তি বিলাকে চব মিলি নৰকত পাৰ্টি কৰি থাকিব – কলিতাংচু পৰ্বতীয়া 

৪। মহিলাৰ মন পুৰুষতকে বহুত চাফা, কাৰণ তেওলোকে সঘনে মন সলাই থাকে- ছেংমাৰ্ক্স

৫। তুমি কিবা নেজানা?? গুগল কৰা; তুমি কাৰোবাক চিনি নেপোৱা?? ফেচবুক কৰা; তোমাৰ ভোক লাগিছে?? হেৰা শুনিছানে...– জয়দীপুম্বা ৰুবাম্বা ! 

৬। মই তোমাক মোৰ পিঠি খনৰ সমান ভাল পাও, আচলতে কলিজাখন বুলি কব লাগিছিল, কিন্তু ভাবিলো, মোৰ পিঠিখন তো কলিজাখনতকৈ বহুত ডাঙৰ- চচাজেনেগাৰ!!

৭। মই ৫ মিনিটতে আহি পাম, যদি নেপাও.....এই মেচেজটো আকৌ পঢ়িবা- ৰিণ্টুদেৱ পৰমহংস 

৮। চুমা এটা ধাৰলে দিবানি? কাইলে ঘুৰাই দিম...প্ৰমিজ – চেৰ্পা চিখৰ চৰ্গে 

৯। নিজৰ চেহেৰাটো আইনাত দেখি মন বেয়া নকৰিবা, ভাবি লবা তুমি এটা হেণ্ডচাম বান্দৰ – B- fire !! 

১০। আঠটা গ্ৰহ, ২০৪ খন দেশ, ৮০৯ টা দ্বীপ, ৭ খন মহাসাগৰ, ৬০০ কোটি মানুহ, আৰু মই আজিও বৰলা – ননভাই ৰামুভাই পৰদেশাই !!

নন-ভেজ জুক

হা হা হা! আই হেভ হেকড অভিজিত কলিতা’জ  একাউণ্ট, এণ্ড পষ্টিং ইন হিজ নে’ম। ৱণ্ট ষ্ট’প টিল হিজ ৰেপ’ ইজ ৰুইনড লাইক হে’ল। পে’ টাইম.......চিউড’ গড অভিজিত কলিতা .... গ’ টু হে’ল ......
>
নন-ভেজ জুক নং ১:- ( মানে ননৰ ভেজা ফ্ৰাই জুক)
>
>

পুলিচঃ- তুমি যিখন ষ্কুটিত খুন্দিয়ালা, সেইখনৰ ৰং কি আছিল? 

বাঘ আৰু বান্দৰ


বাঘ এটা গৈ আছিলে মাৰি তামাম চাল,
ষ্ট্ৰাইপৱালী ড্ৰেছ পিন্ধি, স্পাইকৱালী বাল।
কোনে জানো খান্দি থৈছিল দ এটা গাঁত,
বাঘ বপুৰা ধাৰামকৈ পৰিলগৈ তাত।
জাঁপ মাৰি, ৰলিং কৰি চেষ্টা বহুত দিলে,
কোনোপধ্যে গাঁতৰ পৰা ওলাব নোৱাৰিলে।

17.95+ জ’ক ( পোৱালীকেইটা ফুট..)


 জুইভাইৰ ডেকাকালৰ কথা, বজাৰ কৰিবলে বঙাইগাও চিটিলৈ আহিছিলে পিছে সেইদিনা বজাৰ বাছ   ঘুৰি গৈ পাওতে ৰাতি হ’ল। সকলো মানুহ নামিল, শেষত কেৱল এঞ্জেল প্ৰিয়ংকা প্ৰিয়দৰ্শিনী আৰু জুই ভাই বাকী ৰ’ল, দুয়ু একেখন গাঁৱৰে। তাতে আকৌ বাছৰ পৰা নামি হাবিতলীয়া বাটেৰে দুমাইল মান গ’লেহে তেওলোকৰ গাঁও পাইগৈ। আকাশত জোনৰ পোহৰ, তলত ঘিটমিটিয়া এন্ধাৰ, জুইভাই আগে আগে, ....এঞ্জেল পিছে পিছে। জুইভাইৰ ইফালে বজাৰ হেভী,........ ছাগলী এটা, মূৰ্গী এটা, মৰাপাটৰ পঘা এডাল, লাখুটি এডাল আৰু এলুমিনিয়ামৰ বাল্টি এটা, যেনেতেন গোটেইকেইটা মাল দুখন হাতেৰে মেনেজ কৰি গৈ আছে, সংসাৰ চলাবলে এইবোৰ বস্তু লাগেই দিয়কচোন।

কইনাৰ সৌন্দৰ্য্য আদি দুটামান কৌতুক

১। তলৰ জুকটো মই লিখা নাই, ছেংমাই লিখি মোৰ নামত পোষ্ট কৰিবলে দিছে। আচলতে তাৰ হাতত মই যৌৱন কালত প্ৰিয়ংকা গান্ধীলে লিখা দুখনমান প্ৰেমপত্ৰ আছে, সেইকেইখনকে মোৰ ঘৈণীক দেখুৱাই দিম বুলি ব্লেকমেইলিং কৰি আছে, ফোনতে অমৰিছ পুৰী টাইপ হু হু হা হা কে হাঁহিছেও। মই নিঃসহায়। মই আচলতে এনেকুৱা জ’ক লিখাটো দূৰৰে কথা, নপঢ়োও, আৰু কেনেবাকে ভুলতে পঢ়িলেও, বিলকুল নেহাঁহো। 

জুকটো এনেধৰণৰ ( ৰাইজক নেহাঁহিবলৈ টানি অনুৰোধ জনাইছো দেই!!!)

আশাকৰো তোমালোক -৮



মৰমৰ মইনাহঁত


ফেচবুকৰ ইতিসাহত বহু বীৰ বীৰাংগনাৰ ত্যাগ আৰু সাহসৰ সোণালী কাহিনী ৰূপালী আখৰেৰে লিখা আছে। আজি যি গৰাকী বীৰাংগনাৰ কথা মই  কবলে ওলাইছো তেওৰ নাম পল্লুগাভৰু। (গাভৰু শব্দটোৱে ইয়াত নাম হে বুজাইছে, বয়স বুজোৱা  নাই)





ত্ৰয়োদশ শতিকাৰ কথা, দেশৰ আকাশলৈ নামি আহিল দুৰ্ঘোৰ অমানিশা। 'কুব'লাইখান নামৰ এজন পৰদেশলোভী মহাপৰাক্ৰমী  ৰজাই অসম দেশ আক্ৰমণ কৰিলে। আৰু অসমীয়াসকলো তেওলোকৰ মহান সেনাপতি তালিকধৰ সৰুফুকনৰ নেতৃত্বত শক্তিশালী শত্ৰুৰ  বিৰূদ্ধে যুদ্ধ দিবলৈ সাজু হ'ল। সেই সময়ত এটা নিয়ম আছিল যে, পতি যুদ্ধলৈ গ'লে পত্নীয়ে ৰাতিটোৰ ভিতৰতে সূতা কাটি তাঁত বৈ কৱছ কাপোৰ তৈয়াৰ কৰি পতিক পিন্ধাই যুদ্ধলৈ পথিয়াব লাগে, নহ'লে অমংগল হয়। পিছে তালিকৰ পত্নী পল্লুগাভৰুয়ে সূতা/কৱছ এই বিলাক বস্তু চিনি নোপোৱা, আচলতে তাঁত বোলা বস্তুটো খায়েই নে পিন্ধে, তাক নজনা বাবে, বজাৰৰ পৰা ৪০ টকা দি কিনি অনা বাংলাদেশী সেউজীয়া হালধীয়া লুঙী এখন পিন্ধায়েই তালিকক যুদ্ধলে পথায়। কিন্তু এই বিশ্বাস সঁচা বুলি প্ৰমানিত হয়। কুবলাই খানৰ তৰোৱালৰ আঘাতত তালিকৰ লুঙী খুলি যায় আৰু তেও লাজে অপমানে মৰ্মাহত হৈ হিমালয়ৰ এটা গুহাত আত্মগোপন কৰি হোৱাটচএপ কৰাত মগ্ন হৈ পৰে।

ঘৰুৱা দিহা


আপোনাৰ ঘৰত সাপ ওলাইছেনে কেতিয়াবা? ঘৰৰ ভিতৰত সাপ ওলোৱাটো সঁচাকৈয়ে বিপদজনক কথা, মাৰিবলৈয়ো বেয়া লাগে, ভয়ো লাগে(জয় মনসা মাতা)..মুঠতে হুলস্থুলীয়া কাৰবাৰ এটা, কি কৰিব, কাক মাতিব, কেনেকে খেদিব নানান টা প্ৰশ্ন। এনেধৰণৰ আৰু বহুত সমস্যা আছে জীৱনত। গতিকে অমুকাই  আপোনালোকৰ প্ৰয়োজনৰ প্ৰতি লক্ষ্য ৰাখি, এনেবোৰ ঘৰুৱা সমস্যা সমাধানৰ অৰ্থে, অভিজ্ঞ সদস্য সকলৰ মতামতৰ ভিত্তিত এখন পুথি প্ৰস্তুত কৰিছে, যাৰ নাম- ঘৰুৱা দিহা(ৱিথ এ টুইষ্ট)। 



কিতাপখনত দিয়া চিয়'ৰ শ্বট উপায় বিলাকৰ নমুনা হিচাপে এই সাপ ওলোৱা চেপ্টাৰটো তলত দিয়া হ'ল। অভিজ্ঞ জ্ঞানী লোক সকলে এই সমস্যাটোৰ পৰা হাত সাৰিবলৈ কিছুমান উপায় দেখুৱাইছে, আপোনালোকে তাৰে যিকোনো এটা বা তাতোধিক বিনামূল্যে ব্যৱহাৰ কৰিব পাৰিব। 

জাননী

!!!এটেনচন!!! 

.....সকলো ভাৰতীয় নাগৰিককে সূচিত কৰি এই জাননী দিয়া হৈছে, যে, .....

যিহেতু, আপোনালোকে আৰু আপোনালোকৰ দেশৰ চৰকাৰ খনে, আপোনালোকৰ দেশখন ভালকৈ চলাব পৰা নাই, আৰু আপোনালোকৰ মাজৰে “ৰত্ন মহাদেৱ” নামৰ এজন লোকে সেই কথাটো আমাৰ ইয়ালৈ আহি সকলোৱে দেখা শুনাকৈ, সজ্ঞানে-সুস্থ শৰীৰে কৈ গৈছে, গতিকেই, আমি আমাৰ নৈতিক দ্বায়িত্ব বুলি গণ্য কৰি, আজিৰ এই মূহুৰ্তৰে পৰা আপোনালোকৰ দেশৰ শাসনভাৰ গ্ৰহণ কৰিলো। এতিয়াৰ পৰা আপোনালোকৰ সকলো ‘স্বাধীনতা’ ৰিভ’ক কৰা অৰ্থাৎ উঠাই লোৱা হ'ল। আজিৰ পৰা আমাৰ ‘মুল্ক’ৰ ৱজীৰ-এ-আজমে আধিকাৰিক ভাৱে ভাৰতৰ সকলো ৰাজ্য, কেন্দ্ৰীয় শাসিত অঞ্চল, গুণ্ডাৰাজ বা মাফিয়া শাসিত অঞ্চল, সন্ত্ৰাসবিধুষিত অঞ্চল আৰু ওচৰৰ দেশৰ লগত বিবাদমান অঞ্চলসমূহৰ শাসনভাৰ গ্ৰহণ কৰিলে। কেৱল বিহাৰক বাদ দি; ‘ৱজীৰ- এ- আজমে’ বিহাৰখন বৰ এটা ভাল নেপায়,............কিবা বৰ বেছি ঝেং। 

আশাকৰো তোমালোক -৬

মৰমৰ অকণ-অকণিহঁত



আজিৰ পৰা প্ৰায় তিনিহেজাৰ বছৰৰ আগতে যেতিয়া মানৱ জাতিৰ আন আন সদস্যসকলে প্ৰায় জন্তুৰ দৰে জীৱন নিৰ্বাহ কৰিছিল, তেতিয়াই  সভ্যতাই চূড়ান্ত শিখৰত অৱস্থান কৰিছিল।  শ্ৰীশ্ৰী ছেংমায়ন দেৱে এখন গ্ৰন্থ প্ৰণয়ন কৰিছিল, যিখনৰ নাম আছিল “টইলেট সূত্ৰ”। এই গ্ৰন্থখনত পাইখানা কৰাৰ ভিন ভিন নিয়ম আৰু তাৰ উপকাৰ বা অপকাৰ সম্পৰ্কে বিশদ বিৱৰণ দিয়া হৈছে। ইয়াৰ উপৰিও পাইখানা কৰাৰ নানান আসন বা প’জ আৰু তাৰ সুবিধাসমূহ বৰ্ণনা কৰা হৈছে। বিশ্বৰ কোন কোন প্ৰান্তৰ কোন কোন লোকে কেনেদৰে পাইখানা কৰে, পাইখান কৰাৰ আচল সুখ কেনেকে অনুভৱ কৰিব পাৰি, তাৰ ইতিহাস আৰু প্ৰক্ৰিয়া গ্ৰন্থখনত চিত্ৰসহকাৰে দিয়া হৈছিল। এই গ্ৰন্থখনৰ প্ৰভাৱ আজিও আমাৰ সমাজত বিৰাজমান! তাৰ প্ৰমাণস্বৰূপে তোমালোকে হনী সিঙৰ ‘me and friends latring in field’ নামৰ ৭১ জন লোকক টেগোৱা ফটোখনলৈ মন কৰিব পাৰা। 

পাইখানা কৰা মানুহ এক সহজাত প্ৰবৃত্তি, হলেও পাইখানা কৰাৰ ইমান বিষদ বিৱৰণ থকা গ্ৰন্থ বিশ্বত বিৰল। বিখ্যাত জাৰ্মান সংস্কৃত পণ্ডিত লানী চিয়নে এই গ্ৰন্থখনৰ সম্পৰ্কে এইবুলি মন্তব্য কৰিছে - Though taking shit is a natural process, it’s still a taboo to talk about it in public, but the great Pundit Chengmayan has studied it is so detail, that too 3000 years back, and turned the mere act of taking shit to a graceful form of Art. 

ভাবি চোৱাচোন মইনাহঁত, যিসময়ত আন মানুহে পশুৰ দৰে জীৱন কটাইছিল, নিজৰ পাইখানাকে খাদ্য বুলি গ্ৰহণ কৰিছিল, সেই সময়তে এই দেশত পাইখানা কৰাৰ ওপৰত গ্ৰন্থ প্ৰণয়ন কৰা হৈছিল। গতিকে মইনাহঁত, তোমালোকে আমাৰ ঐতিহ্যৰ সম্পৰ্কে সচেতন হোৱা প্ৰয়োজন, আজিলৈ এৰিলো।

মৰমৰে
তোমালোকৰ

আশাকৰো তোমালোক -৭

মৰমৰ মইনাহঁত,



 আজি মই তোমালোকক যিজন ব্যক্তিৰ বিষয়ে কবলৈ ওলাইছো,তেওৰ কথা শুনাৰ পাছত তোমালোকৰ মন গৌৰৱত ফুলি উঠিব। 

বাল্মিকীয়ে ৰামায়ন লিখাৰ বহুদিনৰ আগৰ কথা, আচলতে তেতিয়া বাল্মিকীয়ে অ আ ক খ শিকিয়েই আছিল। সেই সময়তে বাল্মিকীৰ জ্যেষ্ঠ ভাতৃ লাল-মিকীয়ে ('লাল' টো কেপিটেল লেটাৰত) পৃথিৱীৰ প্ৰথমখন 'ভিতৰপকীয়া' মহাকাব্য "কামায়ন" লিখি উলিয়াইছিল। মহান পণ্ডিত লাল্মিকীয়ে এই খন গ্ৰন্থ বিক্ৰী কৰি অপাৰ ধন সম্পত্তি আৰ্জন কৰিছিল, কিন্তু পিছত তেও নিজৰ ভুল উপলব্ধি কৰে আৰু তাৰ প্ৰায়শ্চিত্ত কৰিবলৈ কঠোৰ সাধনাত মগ্ন হয়। জনশ্ৰুতি মতে তেওৰ সাধনা ইমানেই কঠোৰ আছিল যে, তেওৰ গাত চাল-ওকনি, চিকৰা আদিয়ে বাঁহ বান্ধিছিল। হাজাৰ বছৰ জোৰা সাধনাৰ পাছত তেও দিব্যজ্ঞান লাভ কৰে আৰু তেতিয়াৰ পৰাই তেও আগৰ বেয়া স্বভাৱ বিলাক এৰি এজন বিশ্বত্ৰাস ডকাইত হিচাপে জীৱন নিৰ্বাহ কৰিবলৈ লয়। তাৰ পছৰ পৰা তেও ৰাইজৰ মাজত ' হতচিৰি হতচিৰি দানৱাদিদানৱ দৈত্যবন্ধু ডাকু ৰিণ্টুকৰ সিং টোমাৰ বামানয়শাস্ত্ৰী' নামে পৰিচিত হয়। পিছত এল পি স্কুলৰ হে'ডচাৰে নামটো দীঘল হোৱাযেন দেখি তাক ছুটি কৰি শ্ৰী ৰিণ্টুমণি দত্ত কৰি দিয়ে। 

মইনাহঁত, আজিলৈ এৰো


মৰমেৰে
তোমালোকৰ

আশাকৰো তোমালোক -৫

মৰমৰ মইনাহঁত


তোমালোকে ভৱিষ্যতবাণী মানে কি নিশ্চয় জানা। তোমালোকে জানি ভাল পাবা যে বিশ্বৰ সকলোতকৈ বিখ্যাত ভৱিষ্যতবাণী কৰোঁতাজনো আমাৰে চিনাকী লোক। তেওৰ নাম হ'ল ভাষ্কোদামাছ বা (দত্ত চাৰৰ মতে) 'ভাষ্কোদামুঁ' । কিছুমান ইতিহাসকাৰে এখেতক ভাষ্কো দা গামা বুলিও কয়, কিন্তু এই তথ্য শুদ্ধ নহয়। কাৰণ যিজন ব্যক্তিয়ে ৰাষ্টাৰ কাষত চুচু কৰাৰ পাছত সেই জমা হোৱা পানীখনিত পৰি গ'লে ডুবি যাম বুলি ভয়তে থৰহৰি কম্পমান হৈ থাকে, তেও বাৰু সাত সাগৰ জাহাজেৰে পাৰ হৈ ভাৰতলে আহিব পাৰিবনে? গতিকে তোমালোকে সেইবিলাক 'ফকটিয়া' কথাত মন নিদিবা। 

আশাকৰো তোমালোক -৪

মৰমৰ মইনাহঁত

আমাৰ মাজত কেৱৰ বীৰ বীৰাংগনাই নহয়, ইয়াত কেইবাজনো যুগান্তকাৰী বিজ্ঞানীও আছে, তেনে দুজন লোকৰ কথা আজি মই তোমালোকক কম। 




আমাৰ দেশৰ  আটাইতকৈ বিখ্যাত বিজ্ঞানীগৰাকীৰ নাম হ'ল মৌছুমাইনষ্টাইন। তেওৰ পঢ়া শুনা বৰ বেছি নাছিল, তেও পোষ্ট ডক্টৰেট ফেল'শ্বিপ কৰি থাকোতেই, এটা ইউনিট টেষ্টত ১০০ ভিতৰত ৯৯.৫ পোৱাৰ কাৰণে , তেওক পাঠশালাৰ পৰা বাহিৰ কৰি দিয়া হৈছিল। হ'লেও প্ৰতিভা কেতিয়াও লুকাই নেথাকে। তেও পাঠশালাৰ পৰা বাহৰি হৈয়ো, একান্ত মনে ফেচবুক অধ্যয়ন কৰে, আৰু শেষত "থিঅ'ৰি অৱ ইৰৰিলেটিভিটি" বুলি এটা কোনেও নুশুনা আৰু নুবুজা সূত্ৰ আৱিষ্কাৰ কৰে।

আশাকৰো তোমালোক -৩

মৰমৰ অকণ অকণিহঁত, 



তোমালোকে 'কুফা' দেখিছানে, বহুতে হয়তো দেখিছা, হয়তো তোমালোকৰ দুই এজন নিজেই 'কুফা'। তথাপিও কও, আমাৰ মাজতে কিছুমান মানুহৰ 'স্পেচিয়েল পাৱাৰ' থাকে, তেওলোকে 'মুখ লগোৱা' বুলি খতৰনাক 'জিনিছ' এটা জানে... 'মুখ লাগিল; মানে সকলো চাফা। ধৰা তোমালোকৰ ঘৰত অমিতা এজোপা একদম ভৰি ভৰি লাগিছে,... 'কুফা' এজনে দেখি কৈয়েই দিলে - "আও ..বহুত অমিতা লাগিছে দেই, বৰ ভাল হৈছে..চলৰৌওওপ।" বচ....... লাগিল নহয় মুখ.. সেইজনা গৈ ঘৰ নেপায়গৈয়েই, তোমাৰ অমিতা গছ মাজ কঁকালতে ভাগি... ধুপুছ। আকৌ ... হয়তো তোমাৰ চেহেৰা পাতি দেখি সেইজনাই কৈ গ'ল - "মাজনী, দেখিবলৈ শকত আৱত, বৰ ধুনীয়াজনী হৈছা দেই।" হ'লেই আৰু, পিছদিনাৰ পৰা তেজ হাগনি, মুখত এহেজাৰটা পিম্পল,... 'হট' লুক কা ধ্বজিয়াঁ!! সকলোৱে 'কুফা' বিলাকক বেয়া পায়, দেখিলেই পলায়। 

আশাকৰো তোমালোক -২

মৰমৰ মইনাহঁত
তোমালোকে আমাৰ দেশৰ ৰাজকুমাৰ কাম সন্যাসী চানীৰ নাম শুনিছানে। নাই শুনা যদি ভাল কথা, কিছুমান কথা নুশুনিলেই মংগল। তথাপিও, আজি মই তোমালোক সেইজন মহাপুৰুষৰ জীৱনৰ বিষয়ে কবলৈ ওলাওছো, কিদৰে তেও  প্ৰেম আৰু সম্প্ৰীতিৰ (বিশেষকৈ প্ৰেমৰ) বাণী প্ৰচাৰ কৰিছিল। 


আশাকৰো তোমালোক-১

তোমালোকে নোৱা (Noah) ৰ সাধুটি শুনিছানে? সেইযে পৃথিৱীত প্ৰলয় আহিল, আৰু ভগৱানে নোৱাক এখন নাও সাজিবলে হুকুম দিলে। সেই নাৱত নোৱাই সকলো প্ৰাণী আৰু গছৰ গুটি লৈ ৪০ দিন উটি ভাঁহি ফুৰিলে, তাৰ পাছত পানী শুকুৱাত সেইবোৰেৰে সৃষ্টিখন ৰক্ষা কৰিলে। নিশ্চয় শুনিছা। কিন্তু তোমালোকে জানিবলে পালে সুখী হবা যে, এজন গাজাৰীৰ বাবেই পৃথিৱীখন তেনে এটা ধ্বংসৰ মুখৰ পৰা বাছিল, মাত্ৰ কেইদিন মান আগতে। 

॥॥॥॥ ফে'কলতা সেন ॥॥॥॥

মূল আইডিয়াঃ- Joy Deep Chakraborty  তাকে লৈ ৰাইজৰ বাহ বাহ লোৱাৰ প্ৰচেষ্টা:-


কবিঃ- ফেচবুকানন্দ দাশ!

অনেক বছৰ ধৰে আমি লাইক দিয়ে ছলেছি মেয়েদেৰ ফটোটে,
এঞ্জেল, প্ৰিন্সেচ, চুইটী, জুলি কিম্বা, নাঙেৰ প্ৰফাইলে।
অনেক কৰেছি আমি, প্ৰফাইল ফে'ক না হৱাৰ আশাতে,
ফটো দেখেই বৰ্ষণ কৰেছি ফ্ৰেণ্ড ৰিকুয়েষ্ট বা প'ক হঠাতে।
আমি ক্লান্ত ফেছবুকাৰ এক, চাৰিওদিকে টেগেৰ সমুদ্ৰেৰ ফেন,
আমাৰ ইনবক্সে হাই লিখে দুদণ্ড শান্তি দিয়েছিল, ফেছবুকেৰ ফে'ক-লতা সেন।


চুল তাৰ কবেকাৰ লৰিয়েলেৰ বিজ্ঞাপনেৰ ১০ চেকেণ্ডেৰ বই,
টাইমলাইনে চানী লিয়নেৰ উত্তেজনা; সমুদ্ৰতীৰে বিকিনি চেলফি,
পেপছিৰ ৰাগীতে আমি হাৰিয়েছি দিশা,
ফে'ক ৰিয়েলেৰ দোমোজাই যখন ভেবেছি আৰ একটা পেগ নেই,
তেমনি দেখছি ইনবক্সে এটি সুমধুৰ 'হাওজ য়া- হাই'
সবুজ ঘাঁসেৰ মতো গ্ৰীন লাইট জ্বালাই,... ফেচবুকেৰ ফে'কলতা সেন। 



সমস্ত যত্নৰ ফল যখন ভেবেছি বৃথা,
ইনবক্সেৰ সহস্ৰ মেছেজেৰ নেই ৰিপ্লাই,
পৃথিৱীৰ সব ৰংগ নিভে যাৱাৰ হয় আয়োজন,
তখন দেখেছি আমি আমাৰ চেলফিতে,
লাইক একটি পৰেছে আবাৰ, হচ্ছে একটি আশাৰ সঞ্চাৰ
ছাট কৰিবাৰ জন্য মুখোমোখি বসিবাৰ, ফেচবুকেৰ ফে'কলতা সেন।